بریکنگ نیوز: مرغی نے انڈہ دیا ہے۔

بریکنگ نیوز: مرغی نے انڈہ دیا ہے۔
ناظرین ابھی ابھی خبر موصول ہوئی ہے کہ لاھور کے نواحی گاؤں میں ایک مرغی نے انڈہ دیا ہےـ اطلاع کے مطابق اب سے کچھ دیر پہلے لاھور کے نواحی گاؤں میں ایک مرغی نے انڈہ دیا ہےـ بونگا نیوز کے نمائندے موقع پر موجود ہیں ان سے پوچھتے ہیں ـ جی عارف آپ کو کیا نظر آ رہا ہے؟ مرغی نے انڈہ دیا ہے؟
جی شازیہ ہم یہاں موجود ہیں، اب سے کچھ دیر پہلے مرغی نے انڈہ دیا ہےـ
بونگا نیوز نے علاقہ کے ایس ایچ او سے رابطہ کیا ہے اور انہوں نے اس بات کی تصدیق کی ہے کہ مرغی نے انڈہ دیا ہےـ
جی ناظرین ہم کوشش کر رہے ہیں کہ مرغی سے رابطہ ہو، عارف یہ بتائیے اس معاملے میں آپ کا مرغی کے اہل خانہ سے کوئی رابطہ ہوا ہے کیا کہتے ہیں وہ مرغی نے انڈہ دیا ہے؟
جی شازیہ اس وقت ہم مرغی کے چچا کے پاس کھڑے ہیں اور ان کا بھی یہی کہنا ہے مرغی نے انڈہ دیا ہےـ
عارف یہ بتائیے اس وقت کیا صورت حال ہے؟ مرغی اور انڈہ دونوں کیسے ہیں؟
جی شازیہ اس وقت تمام کاروبار معمول کے مطابق چل رہے ہیں مرغی سے ہمارا رابطہ ممکن نہیں ہو سکا مگر اطلاعات یہی ہیں کہ دونوں ٹھیک ہیں ـ
ہم اپنے ناظرین کو بتاتے چلییں کہ لاھور کے نواحی گاؤں میں ایک مرغی نے انڈہ دیا ہےـ
———–
یہ خبر سب سے پہلے ہم نے آپ تک پہنچائی ہے